اجمل ما كتبه الزميل الشاعر نائل المظفر

يوسف شافك بحلمة قصيدة
وابو الطيب خجل يمك قصيدة
رمشك شاعر وعينك قصيدة
وعمت عينه اليكلك مو قوية

جذب جفي بعدكم يومي لحد
وهواكم وين حدة يوملحد
انه لوما اجيــــكم يوم الاحد
الثنين من الصبح لطمو علية

علي جار الوكت تنشد بلا جار
وبعت بيتي وسكنت البر بالاجار
بـــــلا صاحب بــــــلا زاير بلا جار
خيال الكوخ صاير جار اليه

حجة واحد علـــــيه واعلم انك
واريد احجاية اخبرك واعلمنك
انه بالبير نـــــــازل واعله منك
احطك وين من نوكف سوية

كلبك مات عـــــوزك بس تجفنة
ومن شرك نــــريدك بس تجفنة
امس وطيت راسك بسته جفنه
ولحد هسه أثر شفتك بدية [center]