ابوذيات رووووعه

من طرف romantic الثلاثاء مارس 03, 2009 1:31 pm

شكثر بجفاك ون كلبي وهم لك
وعقلي غفل فاركني وهملك
شتظن انساك يالغالي واهملك
وانت بدمي دم يدور بية

اكطع منخدودك ورد وشتم
ولا ادري شبقة من العمر وشتم
مرخص ولك سبني وشتم
شتايمكم ثواب لوالديه

وحك الله وقضاءه بسماءه وارضه
بغيرك لاتضن أقتنع وارضه
عشرتي وياك مثل الخشب وارضه
تلفت حشاي يوم سكنت بيه

مكة وكَصدتك حاج اجيتك
ونه بكل الادلة حاججيتك
اريد اطلب طلبنه حاجة جيتك
اريد الروح وي روحك سوية

انكسر كلبي وكلبك ولا مال
دخيل مانخاني لاخوي ولا مال
كلبي بهواكم لاتحلحل ولا مال
عالي ورفعت الراس بحبكم اليه

القلب مارف على غيرك ولامال
خلص عمري من كثر وعودك والامال
ابد لاولف عندي ولامال
الونس انت حبيبي وهاي هيه